क्रेमलिन ड्रोन हमलामा वासिङ्टन जिम्बेवार : रुस
मस्को/वाशिङ्टन, वैशाख २२ : हालै क्रेमलिनमा भएको ड्रोन हमलाको पछाडि अमेरिका र युक्रेनको हात रहेको क्रेमलिनका प्रवक्ता दिमित्री पेस्कोभले बिहीबार बताएका छन्।
'हामीसँग यसको प्रमाण छ। त्यो सम्बन्धित डाटा हाम्रो विशेष सेवाले प्राप्त गरेको छ,' पेस्कोभले क्रेमलिनमा बुधबार यस बारे उल्लेख गरेका छन्।
प्रवक्ता पेस्कोभले भने, 'अमेरिकाले यो बुझ्नुपर्छ कि रुस आतङ्कवादी हमलामा आफ्नो सहभागिता बारे सचेत छ।'
वाशिङ्गटनका लागि 'द्वन्द्वमा यस्तो प्रत्यक्ष सहभागिता वास्तवमा कत्तिको खतरनाक छ भनेर बुझ्नु अझ महत्त्वपूर्ण छ।'
रुसी राष्ट्रपतिको प्रेस सेवाले बुधबार युक्रेनले रुसी राष्ट्रपति भ्लादिमिर पुटिनको क्रेमलिन निवासमा आक्रमण गर्न दुईवटा ड्रोन प्रयोग गरेर हत्या गर्ने प्रयास गरेको दाबी गरेको छ।
यसैबीच अमेरिकी राष्ट्रिय सुरक्षा परिषद्का प्रवक्ता जोन किर्बीले बिहीबार रुसको दाबी गलत भएको बताएका छन्। उनले स्थानीय सञ्चारमाध्यमलाई जनाए अनुसार आक्रमणमा 'अमेरिकाको कुनै संलग्नता छैन' ।
