एनसेलले अब ९७० बाट सुर हुने नम्बर उपलब्ध गराउने

काठमाडौं, वैशाख १४ : ९८० रेञ्जमार्फत नम्बर उपलब्ध गराउँदै आएको निजी क्षेत्रको दूरसञ्चार कम्पनी एनसेल आजियटाले अब ९७० रेञ्जबाट प्रयोगकर्तालाई मोबाइल नम्बर उपलब्ध गराउने बताएको छ।

एनसेलले आज (बिहीबार) सूचना जारी गरेर ९८० रेञ्जमार्फत नम्बर उपलब्ध गराउँदै आएको रेञ्जमा सिमकार्ड सकिएकाले अब ९७० बाट नयाँ नम्बर उपलब्ध गराउन लागेको बताएको हो।

 ‘यस एनसेल आजियाटा लिमिटेडले आफ्ना ग्राहकहरूको सुविधाका लागि नेपाल दूरसञ्चार प्राधिकरणद्वारा मिति २०७९–१२–६ मा स्वीकृति प्रदान गरिएको पत्र अनुसार ९७०xxxxxxx देखि सुरू हुने नयाँ मोबाइल नम्बर सुचारू गर्न लागेको कुरा सहर्ष जानकारी गराउँछौं,’ सूचनामा भनिएको छ।

प्राधिकरणबाट २०७० चैत ६ मै नयाँ नम्बरिङ रेञ्जका लागि स्वीकृति पाइसकेको र सोही अनुरुप अब ९७० बाट सुरु हुने मोबाइल नम्बर वितरण गरिने कम्पनीको भनाइ छ।प्राधिकरणका अनुसार कुनै पनि रेञ्जमा एक करोड नम्बर उपलब्ध हन्छन्।