पूर्वमेयरको निधनमा धरान उपमहानगरमा आज शोक बिदा 

धरान, माघ ७ : पूर्वमेयरको ध्यानबहादुर राईको निधनमा धरान उपमहानगरपालिकाले मंगलबार शोक बिदा दिने निर्णय गरेको छ।

राईको सोमबार निधन भएको हो। नगर कार्यपालिका कार्यालय, मातहतका कार्यालय र सामुदायिक तथा संस्थागत विद्यालय मंगलबार बिदा दिइएको वरिष्ठ प्रशासकीय अधिकृत गणेशप्रसाद खतिवडाले निकालेको विज्ञप्तिमा उल्लेख छ।

राई २०४६ सालपछि भएको निर्वाचनमा धरानमा निर्वाचित मेयर थिए।