कालिञ्चोक दर्शनकाे आइपिओ बाँडफाँट

काठमाडौं, माघ १९ : कालिञ्चोक दर्शन लिमिटेडले आइपिओ बाँडफाँट गरेको छ।

माघ ३ देखि ६ गतेसम्म सर्वसाधारणका लागि खुलाएको आइपिओ आज (बिहीबार) बाँडफाँट गरेको हो।

आईपीओमा १४ लाख ७३ हजार जनाले आवेदन दिएका थिए। ८ हजारको आवेदन रद्द भएको थियो। गोलाप्रथाका माध्यमद्वारा अधिकतम १० कित्ताका दरले बाँडफाँट गरिएको आइपिओ १८ हजार ६४० जनाले पाएका छन्। 

आवेदकहरुले १ करोड ६६ लाख ७० हजार कित्ताभन्दा बढीका लागि आवेदन दिएका थिए। १४ लाख ६५ हजार ७६३ जना आवेदकमध्येबाट १० कित्ताका दरले ८ करोड ९६ लाख ४०० रुपैयाँ बराबरको ८ लाख ९६ हजार ४०० कित्ता सेयर सर्वसाधारणले पाएका छन्।

कम्पनीले दोलखाको चरिकोटबाट कालिञ्चोक भगवती मन्दिरसम्मको केबलकार सञ्चालन गरिरहेको छ। कम्पनीलाई केयर नेपालले ‘केयरएनपी बिबी प्लस आइआर’ प्रमाणपत्र प्रदान गरेको छ।