सुनको मूल्य हालसम्मकै उच्च

काठमाडौं, माघ १२ : नेपालमा सुनको मूल्य हालसम्मकै उच्च विन्दुमा पुगेको छ।

नेपाल सुन चाँदी व्यवसायी महासंघका अनुसार बिहीबार छापावल सुनको मूल्य प्रतितोला १ लाख ६ हजार ९ सय रुपैयाँ छ । यो नेपाली सुन बजारको सबैभन्दा उच्च मूल्य हो ।

तेजावी सुनको मूल्य १ लाख ६ हजार ४ रहेको महासंघले जनाएको छ। यस्तै चाँदीको मूल्य प्रतितोला १३ सय ८० रुपैयाँ छ ।

यसअघि सुनको उच्चतम् मूल्य तीन दिन अघि १० माघमा कायम भएको थियो।

मूल्य बढेपछि सुनको कारोबार गत सातादेखि नै प्रभावित भएको महासंघले जनाएको छ। मूल्य १ लाखबाट माथि लागेपछि सुनको नया“ गहना खरिद गर्न आउनेहरू घटेका छन्।