राप्रपा प्रदेश १ संसदीय दलको नेतामा भक्तिप्रसाद सिटौला

झापा, पुस १५ : राष्ट्रिय प्रजातन्त्र पार्टी (राप्रपा) प्रदेश १ संसदीय दलको नेतामा भक्तिप्रसाद सिटौला चुनिएका छन्। 

शुक्रबार झापामा भएको संसदीय दलको बैठकले झापाका सिटौलालाई सर्वसम्मत नेता चयन गरेको हाे। 

राप्रपा केन्द्रीय समितिका प्रवक्तासमेत रहेका सिटौला झापा ४ (ख) बाट प्रत्यक्ष निर्वाचित भएका सांसद हुन्।

प्रदेशमा राप्रपाबाट प्रत्यक्ष निर्वाचित दुई जना र समानुपातिकबाट निर्वाचित ४ गरी ६ जना सांसद छन्।