बाजुरामा बद्री पाण्डेको अग्रता
पाण्डेले ११०७६ मत प्राप्त गरेका छन् भने एमाले उम्मेदवार कर्णबहादुर थापाले ८८५२ मत पाएका छन्।
बाजुरा, मंसिर १७ : बाजुरामा जारी मतगणनामा शनिबार बिहानसम्म प्रतिनिधिसभा र प्रदेशसभातर्फ सत्ता गठबन्धनका उम्मेदावरहरूको लिएका छन्।
प्रतिनिधिसभातर्फ कांग्रेस उम्मेदवार बद्री पाण्डे अग्रस्थानमा छन्। पाण्डेले ११०७६ मत प्राप्त गरेका छन् भने एमाले उम्मेदवार कर्णबहादुर थापाले ८८५२ मत पाएका छन्।
प्रदेशसभातर्फ (१) मा एकीकृत समाजवादीका उम्मेदवार नरेश शाही अगाडि छन् । शाहीले ५१३२ मत ल्याउँदा उनका प्रतिस्पर्धी एमाले उम्मेदवार बलदेव रेग्मीले ३९२८ मत ल्याएका छन्।
यस्तै प्रदेश सभा (२) तर्फ कांग्रेस उम्मेदवार पदमबहादुर शाहीको ९०२२ मत ल्याउँदा एमाले उम्मेदवार लालबहादुर थापाको ७४४७ मत प्राप्त गरेका छन्।
बाजुरामा कूल मतदात ८३ हजार ५६७ रहेकोमा प्रतिनिधिसभातर्फ ५९७६५ मत खसेको छ।
प्रकाशित मिति: ०८:२६ बजे, शनिबार, मंसिर १७, २०७९
प्रतिक्रिया दिनुहोस्
थप समाचार
