अमेरिकी पूर्वराष्ट्रपति बिल क्लिन्टनलाई कोरोना संक्रमण 

काठमाडौं, मंसिर १५ : अमेरिकी पूर्व राष्ट्रपति बिल क्लिन्टनले बुधबार आफूलाई कोभिड–१९ को सङ्क्रमण पुष्टि भएको बताएका छन् ।

७६ वर्षीय क्लिन्टनले  ट्रवीटरमार्फत आफूलाई कोरोना संक्रमण भएको जानकारी दिएका हुन् । 

उनले आफूले कोारेनाका सामान्य लक्षणहरू अनुभव गरेको र घरमा आफूलाई व्यस्त राखेको बताएका छन् ।
 
खोप र बुस्टर मात्रासम्म लगाएका सबैलाई विशेष गरी जाडो मौसममा सर्तक रहन उनले आग्रह गरेको समाचारमा जनाइएको छ।