‘स्वतन्त्र पार्टीका केही उम्मेदवारले जित हासिल गर्नु मामुली कुरा हो’

झापा, मंसिर ८ : एमाले अध्यक्ष केपी ओलीले राष्ट्रिय स्वतन्त्र पार्टीका केही उम्मेदवारले जित हासिल गर्नु मामुली कुरा भएको बताएका छन्। 

बिहीबार झापामा सञ्चारकर्मीले राष्ट्रिय स्वतन्त्र पार्टीबारे सोधेको प्रश्नको जवाफ दिने क्रममा नेपालको बौद्धिक जगतले देशलाई गलत बाटोतर्फ लान खोजेको बताए। 

उनले राष्ट्रिय स्वतन्त्र पार्टीको जितलाई प्रोत्साहन गर्नुपर्ने कुनै आवश्यकता नभएको बताए।  ‘उदय भनेर जे प्रचार गरियो, त्यो सञ्चार माध्यमको कृपा हो,’ उनले भने, ‘नेपालको बौद्धिक जगतले देशलाई गलत बाटोतर्फ लान खोज्दैछ।’

उनले थपे, ‘गन्तव्य, कार्यक्रम, नीति केही छैन, हाहाहुहुमा देश त चल्दैन। ‘भविष्यलाई जिम्मेवार ढंगले सोच्नेभन्दा हाहा र हुहुमा देशलाई लैजान खोज्ने कुरा नेपालको हितमा छैन।’