सिन्धुली १ मा कांग्रेसका घिमिरे विजयी
सिन्धुली, मंसिर ८ : प्रतिनिधिसभा सदस्यमा सिन्धुली निर्वाचन क्षेत्र नं १ बाट नेपाली कांग्रेसका श्यामकुमार घिमिरे विजयी भएका छन्। निकटतम् प्रतिस्पर्धी नेकपा एमालेका प्रदीपकुमार कटुवाललाई ४ हजार ८ सय ४५ मतान्तरले हराउँदै उनी विजयी भएका हुन्।
निर्वाचित घिमिरेले ३० हजार ३ सय ९१ मत प्राप्त गर्दा एमालेका कटुवालले २५ हजार पाँच सय ४६ मतमात्र पाएको मुख्य निर्वाचन अधिकृत उपेन्द्रप्रसाद गौतमले जानकारी दिए।
२०७४ मा भएको निर्वाचनमा सिन्धुली क्षेत्र १ को (२) मा प्रदेशसभा सदस्यमा प्रतिस्पर्धा हुँदा घिमिरेलाई कटुवालले पराजित गर्नुभएको थियो । दुवै प्रतिस्पर्धी एकै गाउँपालिकावासी ह। कटुवाल तीनपाटन गाउँपालिका वडा नं ११ र घिमिरे वडा नं १ को हुन्।
२०२२ भदौ २५ मा जन्मिएका घिमिरे नेपाली कांगेसको केन्द्रीय सदस्य र केन्द्रीय लेखा समितिको संयोजक पनि हुनुभएको थियो । विसं २०३६ देखि राजनीतिमा क्रियाशील घिमिरेले इतिहासमा स्नाकोत्तर गरेका छन्।
