वडाध्यक्षमा हारेका गुरुङ प्रदेशसभा सदस्यमा निर्वाचित
नेपाली कांग्रेसले प्रदेशसभामा पनि जितको खाता खोलेको छ ।
काठमाडौं, मंसिर ५ : नेपाली कांग्रेसले प्रदेशसभामा पनि जितको खाता खोलेको छ ।
मुस्ताङको प्रदेशसभा (१) मा नेपाली कांगेसका नम्डु गुरुङ निर्वाचित भएका हुन् । गुरुङले एमालेका इन्द्रधारा विष्टलाई २५५ मतान्तरले पराजित गरेका छन् ।
केहीबेरअघि सम्पन्न मतगणनाको अन्तिम परिणामअनुसार गुरुङले एक हजार ४८ मत पाउँदा निकटतम प्रतिस्पर्धी विष्टले सात सय ९३ मत ल्याए । खसेको मतमध्ये १४ मत बदर भएको थियो।
पराजित भएका विष्ट निवर्तमान प्रदेश सभा सदस्य पनि हुन् भने गुरुङ स्थानीय तह निर्वाचनमा लोमान्थाङ–४ को वडाध्यक्षमा पराजित भएका थिए । स्थानीय निर्वाचनमा एमालेका छिरिङ धिण्डु गुरुङसँग पराजित भएका उनले ९९ मत पाएका थिए ।
मुस्ताङ प्रतिनिधिसभा तर्फ यसअघि कांग्रेसका योगेश गौचन विजयी भइसकेका छन् । अहिले मुस्ताङ प्रदेशसभा ९२० को मतगणना चलिरहेको छ ।
प्रकाशित मिति: १६:२२ बजे, सोमबार, मंसिर ५, २०७९
प्रतिक्रिया दिनुहोस्
थप समाचार
