सामान्य विवादमा कारण निर्वाचन स्थगित नगर्न आयोगको निर्देशन

काठमाडौं, मंसिर ४ : निर्वाचन आयोगले सामान्य विवादका कारण निर्वाचन स्थगित नगर्न निर्देशन दिएको छ । 

विभिन्न जिल्लाका केही मतदान केन्द्रहरुमा राजनीतिक दलका विवाद र अन्य सामान्य घटनाका कारण निर्वाचन रोकिएपछि आयोगले यस्तो निर्देशन गरेको हो । 

आयोगले रोकिएको स्थानतहरुमा तत्काल मतदान सुचारु गर्न र साँझ ५ बजेसम्म निर्वाचन स्थगित भएको सूचना टाँस नगर्न सबै मतदान अधिकृतहरुलाई निर्देशन दिएको हो । 

मतदान स्थगित गर्नैपरे निर्वाचन आयोगको पूर्वसहमति लिन पनि आयोगले निर्देशन दिएको छ।