एमाले बलियो राष्ट्रिय शक्तिका रुपमा स्थापित हुन्छ : महासचिव पोखरेल 

काठमाडौं, मंसिर ४ : नेकपा एमालेका महासचिव शंकर पोखरेलले चुनावपछि नेकपा एमाले बलियो राष्ट्रिय शक्तिका रुपमा स्थापित हुने बताएका छन् । 

आज दाङको तुलसीपुर उपमहानगरपालिस्थित जनता क्याम्पस मतदान केन्द्रबाट मतदान गरेपछि उनले एमाले बलियो राजनीतिक शक्तिका रुपमा स्थपित हुने दाबी गरेका हुन्। 

‘हामी राष्ट्रिय शक्ति निर्माणको अभियानमा छौँ । नेपालको राजनीतिक दलहरुमा नेकपा एमाले त्यो सामथ्र्य राख्छ । जसले बलियो राष्ट्रिय शक्तिका रुपमा आफूलाई स्थापित गर्न चाहन्छ । मुलुकमा बहुमत सहितको राजनीतिक स्थायित्व आवश्यक छ । यो चुनावले त्यो दिशातर्फ मुलुकलाई डोर्‍याउनेछ’ उनले भने ।