थप ८१ जनामा कोरोना संक्रमण पुष्टि

काठमाडाैं, असाेज ५ : नेपालमा थप ८१ जनामा कोरोना संक्रमण पुष्टि भएको छ।

देशभर गरिएको १ हजार ९७ पिसिआर परिक्षणका क्रममा ३९ जना र २ हजार ३ सय ५० एन्टीजेन परीक्षणका क्रममा ४२ जनामा कोरोना संक्रमण पुष्टि भएको हो।

कोरोनाका कारण बुधबार पनि कसैको मृत्यु नभएको स्वास्थ्य मन्त्रालयले जनाएको छ।

त्यस्तै थप १ सय ७५ संक्रमित निको भएका छन्। हाल नेपालमा १ हजार ४ सय ८३ सक्रिय संक्रमित आइशोलेशनमा रहेको मन्त्रालयले जनाएको छ।