राजेन्द्र लिङ्देनले बोलाए राप्रपा केन्द्रीय समिति बैठक

काठमाडौं, साउन ५ : राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले केन्द्रीय कार्यसमितिको बैठक बोलाएका छन्।

आज दिउसो १ बजे धुम्बाराहीमा केन्द्रीय कार्यसमितिको बैठक बस्न लागेको हो। केन्द्रीय कार्यसमितिको बैठक आज र भोलि चल्ने राप्रपा प्रवक्ता मोहन श्रेष्ठले बताए।

राप्रपा केन्द्रीय कार्यसमिति बैठकमा समसामयिक राजनीतिक परिस्थितिको समीक्षा, संगठन सुदृढीकरण, दोस्रो चरणको संघर्षका कार्यक्रमबारे छलफल हुने भएको छ।

त्यस्तै, आगामी प्रदेश सभा र प्रतिनिधि सभाको निर्वाचनको तयारी लगायत विषयमा पनि छलफल गरी रणनीति तय गरिने प्रवक्ता श्रेष्ठले बताए।