न्युजिल्यान्डका प्रधानमन्त्री अष्ट्रेलिया भ्रमणमा

वेलिङ्टन, असार २३ : न्युजिल्यान्डका प्रधानमन्त्री जसिन्डा आर्डर्न बिहीबार अष्ट्रेलियाको सिड्नीमा  आयोजित अस्ट्रेलिया–न्युजिल्यान्ड लिडरसिप फोरम (एएनजेडएलएफ) को बैठकमा सहभागी भएकी छन्।

दुई देशबीचको व्यापारिक सम्बन्धलाई बढावा दिने उद्देश्यले उनले बिहीबार सो बैठकमा सहभागिता जनाएका हुन्। 'हाम्रो ट्रान्सटास्म्यान व्यापार र आर्थिक सम्बन्धहरू निर्माण गर्नु अहिले र भविष्यमा न्युजिल्यान्डको आर्थिक सुरक्षा सुनिश्चित गर्नु अहिलेको आवश्यकता हो,' अर्डरनद्वारा जारी विज्ञप्तिमा जनाइएको छ।  

मञ्चमा छलफल गरिएका विषयहरूमा यात्रा र पर्यटन, नवप्रवर्तन अवसरहरू, श्रमको अभाव र कामको भविष्य, कोभिड-१९ पछिको आर्थिक वृद्धिका चुनौतीहरू र जलवायु परिवर्तनसम्बन्धी लगायत छन्।

अष्ट्रेलिया चीनपछि न्युजिल्यान्डको दोस्रो ठूलो व्यापारिक साझेदार मुलुक हो। दुईतर्फी व्यापारको हिसाबले डिसेम्बर २०२१ सम्मको वर्षमा २२ अर्ब न्युजल्यान्डको  डलर (१३.६ बिलियन अमेरिकी डलर) भन्दा बढी रहेको तथ्याङ्कले देखाएको छ। 

सामान्यतया हरेक १८ महिनामा आयोजना हुने सो  फोरम अन्तिम पटक सन्  २०१९ मा अकल्याण्डमा भएको थियो।

एनजेएलएफबाट अलग भएपछि अर्डरन र अष्ट्रेलियाका प्रधानमन्त्री एन्थोनी अल्बानीजले शुक्रबार सिड्नीमा पहिलो औपचारिक अस्ट्रेलिया-न्युजील्याण्ड नेताहरूको बैठक गर्नेछिन्।