थप ४० जनामा कोरोना संक्रमण पुष्टि

काठमाडाैं, असार २० : पछिल्लो २४ घण्टामा नेपालमा थप ४० जनामा कोरोनाको संक्रमण देखिएको छ।

३ हजार १० जनामा गरिएको नमुना परीक्षणमा पिसिआर विधिमार्फत ३४ जना र एन्टिजेन विधिमार्फत थप ६ जनामा कोरोनाको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

मन्त्रालयका अनुसार कोरोनाको सक्रिय संक्रमितको संख्या ३ सय ४८ पुगेको छ। सोही अवधिमा निको हुने १९ जना छन्। आइतबार ५३ जनामा कोरोना पुष्टि भएको थियो ।

हालसम्म नेपालमा ९ लाख ६७ हजार ५ सय ३५ जना निको काेराेना संक्रमणबाट निकाे भएका छन्।