एसीसी च्याम्पियनसिपमा हङकङसँग भिड्दै नेपाल

काठमाडौं, असार ७ : एसीसी महिला टी-२० च्याम्पियनसिप अन्तर्गत आज नेपाल र हङकङबीच प्रतिस्पर्धा हुँदै छ।

मलेसियाको किनरारा ओभलमा आज दिउँसो १२ बजे नेपाल र हङकङको खेल हुनेछ। लगातार तीन खेल जितेको नेपाल आज पनि जितका लागि मैदानमा उत्रिनेछ।

नेपालले तीन खेलमा ६ अंक बुटेलर अंकतालिकाको शीर्षस्थानमा छ। हङकङ दुई खेलमा चार अंक बटुलेर दोस्रो स्थानमा छ।

यसअघि नेपालले पहिलो खेलमा भूटानलाई ५० रन पराजित गरेको थियो। त्यस्तै, दोस्रो खेलमा कुवेतलाई २५ रनले र तेस्रो खेलमा बहराइनलाई आठ विकेटले पराजित गरेको थियो।

नेपाल सेमिफाइनलमा प्रवेश गरिसकेको छ। प्रतियोगिताको फाइनलमा पुग्ने दुई टोलीले एशिया कप महिला टी-२० प्रतियोगिता खेल्न पाउनेछन्।