सन्धिखर्कमा कार दुर्घटना, तीन यात्रुको मृत्यु

अर्घाखाँची, कात्तिक २० : सन्धिखर्क नगरपालिकाको नरपानीमा कार दुर्घटना भएकाे छ। दुर्घटनामा तीन जनाको मृत्यु भएको छ भने दुई जना घाइते भएका छन्।

गोरुसिङ्गे–सन्धिखर्क सडकखण्डको नरपानीमा केहीबेर अघि बा १७ च ६९१७ नम्बरको कार दुर्घटना भएको हो। दुर्घटनामा तीन जनाको मृत्यु भएको स्थानीय प्रकाश महत्राले जानकारी दिए।

दुर्घटनामा दुई जना घाइते भएका छन्। कार रुपन्देहीको सैनामैनाबाट सन्धिखर्क आउँदै थियो।

घटनामा दुई पुरुष एक महिलाको मृत्यु भएको र उनीहरुको पहिचान खुल्न सकेको छैन। घाइतेलाई उपचारका लागि प्राथमिक स्वास्थ्य केन्द्र पठाइएको जिल्ला प्रहरी कार्यालयका प्रहरी नायब उपरीक्षक प्रकाश विष्टले बताए।