स्याङ्जामा जिसस प्रमुख कांग्रेसको भागमा 

काठमाडौं, जेठ २८ : जिल्ला समन्वय समिति स्याङजाको प्रमुख नेपाली कांग्रेसको भागमा परेको छ ।

आज गोलाप्रथाबाट गरिएको भागवण्डामा कांग्रेसको भागमा प्रमुख परेको हो । भागवण्डा अनुसार प्रमुखसहित ४ सदस्य कांग्रेसको भागमा परेको छ भने उपप्रमुखसहित ५ सदस्य नेकपा एमालेको भागमा परेको छ । 

११ वटा स्थानीय तह रहेको स्याङ्जामा प्रमुख र उपप्रमुख २२ जनामध्ये कांग्रेस र एमालेले ११/११ सिट जितेपछि गोलाप्रथाबाट भागवण्डा गरिएको हो ।

गोलाप्रथाबाट भागवण्डा टुंगिएतापनि उम्मेदवार छनोट हुन भने बाँकी रहेको कांग्रेस जिल्ला सभापति राजु थापाले बताए ।