चन्द्रागिरिमा साइलक ट्रेलको विकास र विस्तार गरिने

काठमाडौं, जेठ २२ : चन्द्रागिरि नगरपालिकाका नगरप्रमुख घनश्याम गिरीले चन्द्रागिरिमा साइकल ट्रेलको विकास र विस्तार गर्ने बताएका छन्। 

विश्व वातावरण दिसवका अवसरमा आइतबार चन्द्रागिरि नगरपालिका–६ मातातीर्थमा आयोजित वृक्षारोपण कार्यक्रममा सहभागी हुँदै नगरप्रमुख गिरीले नगरक्षेत्रमा थप पर्यटन प्रवर्धन गर्न साइकल ट्रेलको विकास र विस्तार गर्ने बताएका हुन्। 

उनले वातावरण संरक्षण गर्न नगरपालिकाले उच्च प्राथमिकता दिने र नगरलाई हरियाली बनाउन बुक्षारोेपणलाई अभियानका रुपमा सञ्चालन गरिने जानकारी दिए। 

चन्द्रागिरि राइडर्स क्लवले मातातीर्थ क्षेत्रमा वृक्षारोपण कार्यक्रम गरेको थियो।