थप ११ जनामा कोरोना संक्रमण पुष्टि

काठमाडाैं, जेठ ७ : नेपालमा थप ११ जनामा कोरोना संक्रमण पुष्टि भएको छ।

देशभर गरिएको १ हजार ८ सय १९ पिसिआर परिक्षणका क्रममा ११ जनामा कोरोना पुष्टि भएको हो।

१ हजार २ सय ११ एन्टीजेन परीक्षणका क्रममा भने कसैमा पनि कोरोना पुष्टि नभएको स्वास्थ्य मन्त्रालयले जनाएको छ। त्यस्तै कोरोनाका कारण शनिबार पनि कसैको मृत्यु भएको छैन।

थप १२ संक्रमित निको हुँदा हालसम्म नेपालमा ९ लाख ६६ हजार ९ सय ६२ जना निको भएका छन्। हाल नेपालमा १ सय ४८ सक्रिय संक्रमित आइशोलेशनमा रहेको मन्त्रालयले जनाएको छ।