खेलकुद पत्रकार मञ्चमा नयाँ नेतृत्व, अध्यक्षमा पुनः देवेन्द्र

काठमाडौं, वैशाख २१ : नेपाल पत्रकार महासंघको एसोसिएट संस्था नेपाल खेलकुद पत्रकार मञ्चको अध्यक्षमा पुनः  दुर्गानाथ सुुवेदी ‘देवेन्द्र’ निर्वाचित भएका छन्। 

बुधबार सम्पन्न १७ औं साधारणसभाबाट ५९ मतसहित देवेन्द्र अध्यक्ष निर्वाचित भएका हुन् । उनका निकटतम प्रतिद्वन्द्वी प्रकाश तिमिल्सिनाले ३३ मत प्राप्त गरे। 

त्यस्तै मञ्चको प्रथम उपाध्यक्षमा निरञ्जन अधिकारी, उपाध्यक्षमा संजीव शिल्पकार र गोविन्द रेग्मी, महासचिवमा प्रज्वल ओली, सचिवमा अञ्जन खड्का र कोषाध्यक्षमा सुजन श्रेष्ठ निर्वाचित भएका छन्। 

यस्तै सदस्यहरुमा अनिल मल्ल ठकुरी, कुशल तिमिल्सिना, निशान राई र मुना कार्की चयन भए।