साथीमार्टको १०० औं शाखा सानेपामा, महानायक हमालले गरे उद्घाटन 

काठमाडौं, वैशाख २० : करिब दुई बर्ष अगाडी बौद्धमा पहिलो आउटलेट खोलेर चेन स्टोर सुरू गरेको साथीमार्टले ललितपुरको सानेपा खरिबोटमा १०० औं शाखा खोलेको छ । 

ललितपुरको सानेपा खरिबोटमा सन्चालनमा ल्याएको सयौं आउटलेटको साथीमार्टका ब्रान्ड एम्बेस्डर एवं महानायक राजेश हमालले उद्घाटन गरेका छन् । कार्यक्रममा बोल्दै हमालले साथीमार्ट इनोभेटिभ र सकारात्मक भएको कम्पनी भएकाले आफू जोडिएको बताए । 

आउटलेटमा ग्रोसरी, इलेक्ट्रोनिक, कस्मेटिक, होमकेयर, बेबीकेयर, किचन वयर, लिकर, गिफ्ट लगायतका सामान उपलब्ध छन् । साथीमार्टले आगामी आर्थिक वर्षमा अझ आक्रामक रुपमा आफ्नो ब्यापार बिस्तार गर्न  ‘साथी पार्टनस’ कम्पनी समेत घोषणा गरेको छ । 

हाल स्टोर र कम्पनीमा ४ सय भन्दा बढी व्यक्तिहरू रोजगार छन् भने अप्रत्यक्ष ३ हजारभन्दा बढी रोजगारी सृजना गरेको साथीमार्ट इनकर्पोरेट प्रालिका संस्थापक सिइओ सागर पोख्रेलले बताए ।