मुद्दा र आवश्यकताका आधारमा चुनावी गठबन्धन : मन्त्री आले
काठमाडाैं, चैत २४ : संस्कृति, पर्यटन तथा नागरिक उड्डयनमन्त्री प्रेमबहादुर आलेले आगामी वैशाख ३० गते हुन गइरहेको स्थानीय तहको निर्वाचनमा आफ्नो पार्टीले मुद्दा र आवश्यकताका आधारमा चुनावी गठबन्धन गर्ने बताएका छन्।
छैटौँ भक्तपुर औगोगिक सांस्कृतिक पर्यटन तथा व्यापार महोत्सवमा मन्त्री आलेले स्थानीय तहको निर्वाचनमा गठबन्धन बनाएर चुनावमा जाने बताए। उनले भने, 'स्थानीय तहको निर्वाचनमा गठबन्धन हुन्छ।' मन्त्री आलेले अहिलेको गठबन्धन आगामी निर्वाचनसम्म कायम रहने जिकिर गरे।
उनले भने, 'गठबन्धन दुवै पक्षलाई आवश्यक छ।' कोभिड-१९ का कारण दुई वर्ष थला परेको पर्यटन क्षेत्रलाई माथि उकास्न सबै क्षेत्रबाट सहयोग जरुरी रहेको मन्त्री आलेले उल्लेख गरे।
प्रकाशित मिति: १५:३१ बजे, बिहीबार, चैत २४, २०७८
प्रतिक्रिया दिनुहोस्
थप समाचार
