चैत २६ गतेसम्म स्थानीय तहको रिपोर्ट बुझाउन गठबन्धनको निर्देशन, अर्को बैठक  २७ गते बस्ने

काठमाडौं, चैत २३ : सत्ता गठबन्धनको चुनावी तयारी तथा अनुगमन समितिको बैठकले चुनावी तालमेलका लागि स्थानीय तहको अवस्थाबारे २६ गतेभित्र रिर्पोट बुझाउन निर्देशन दिएको छ ।

प्रधानमन्त्रीको कार्यालय सिंहदरबारमा बुधबार बसेको समितिको बैठकले २६ गतेसम्म तलका कमिटीबाट रिपोर्ट माग्ने निर्णय गरेको हो ।

समितिका संयोजक रामचन्द्र पौडेलले नेतृत्वमा बसेको बैठकले प्रदेश, जिल्ला लगायत चुनावी तालमेल संयन्त्रलाई रिर्पोट बुझाउन निर्देशन दिएको हो ।

जिल्ला, प्रदेश र पालिकामा बनेको गठबन्धनको संयन्त्रबाट रिपोर्ट आइसकेपछि थप छलफल गर्नका लागि चैत २७ गते फेरि बैठक बस्ने बताईएको छ ।

गठबन्धनले पालिकासम्म चुनावी तालमेल संयन्त्र बनाउने गठबन्धनको तयारी गरेको छ ।