बसको ठक्करबाट पैदलयात्रुको मृत्यु

हेटौंडा, चैत १७ : हेटौंडा उपमहानगरपालिका-१९ स्थित नेवारपानीमा आज (बिहीबार) बिहान बसको ठक्करबाट पैदल यात्रुको मृत्यु भएको छ । 

मृत्यु हुनेको नाम र वतन खुल्न सकेको छैन। वाग्मती प्रदेश ०३-००१ ख १३६५ नम्बरको बसको ठक्करबाट गम्भीर घाइते हुनुभएका अन्दाजी ४० वर्षीय पुरुषको उपचारका क्रममा हेटौँडा अस्पतालमा मृत्यु भएको जिल्ला प्रहरी कार्यालय मकवानपुरले जनाएको छ।

ठक्कर दिने बस र त्यसका चालक प्रहरी नियन्त्रणमा रहेको छ।