चार जिल्लाका सिडिओ फेरिए

काठमाडौं, चैत १७ : गृह मन्त्रालयले ४ जिल्लाका प्रमुख जिल्ला अधिकारीको सरुवा गरेको छ। 

मन्त्रालयका अनुसार बर्दियामा बन्धुप्रसाद बास्तोला, प्युठानमा सुनिता नेपाल र अर्घाखाँचीमा  शशिधर घिमिरेलाई प्रजिअको जिम्मेवारी दिइएको हो। 

कपिलवस्तुमा धर्मेन्द्रकुमार मिश्रलाई प्रजिअको जिम्मेवारी दिइएको छ। बर्दियामा कार्यरत सन्तबहादुर सुनारलाई कसुरजन्य सम्पति व्यवस्थापन विभागमा सरुवा गरिएको छ। 

कपिलवस्तुमा कार्यरत चक्रपाणि पाण्डे र प्युठानमा कार्यरत खिमराज भुसाललाई गृह मन्त्रालयमा सरुवा गरिएको छ । अर्घाखाँचीमा हरि प्रसाद घिमिरे कार्यरत थिए ।