कंगाेमा एम-२३ विद्रोहीद्वारा सैन्य अड्डाहरूमा आक्रमण

किन्सासा, चैत १४ :  उत्तरपूर्वी प्रजातान्त्रिक गणतन्त्र कंगाे (डिआरसी) मा सोमबार बिहानदेखि मार्च २३ आन्दोलन (एम २३) विद्रोहीहरूले सेनाको शिविरमा आक्रमण गरेको स्थानीय सुरक्षा स्रोतहरूले जनाएका छन्।

विद्रोहीहरूले स्थानीय समय अनुसार बिहान ३:०० बजेदेखि उत्तरी किभु प्रान्तको राजधानी गोमाको उत्तरमा रहेको रुत्सुरू क्षेत्रमा सशस्त्र बलको शिविरहरूमा आक्रमणहरू शुरु गरेको सैन्य स्रोतले सिन्ह्वालाई बताएको छ।

प्रत्यक्षदर्शीहरूका अनुसार उनीहरूले घण्टौ लामो लडाइँको आवाज सुनेका र केही स्थानीय बासिन्दाहरू युगान्डा छिर्ने प्रयास गर्दै सीमा क्षेत्रमा भागेका देखेका थिए।

राष्ट्रिय काङ्ग्रेस फर द डिफेन्स अफ द पिपल (सिएनडिपी) को पूर्व विद्रोहीहरूको समूह हो। नाम मार्च २३, २००९, सिएनडिपी र डिआरसी सरकार बीचको सम्झौताबाट आएको हो।

विद्रोही नेताहरूले सरकारले त्यो सम्झौताको सम्मान गर्न असफल भएको आरोप लगाएका छन्।