अमेरिकी  राष्ट्रपतिद्वारा बेलारूसी विपक्षी नेतासँग वार्ता

वासिङ्टन, चैत १३ : अमेरिकी राष्ट्रपति जो बाइडेनले शनिबार एयर फोर्स वनमा बेलारूसी विपक्षी नेता स्विटलाना सिखानुस्कायासँग वार्ता गर्दै मानवअधिकारको रक्षा र संवर्धनमा बेलारूसी जनताको पक्षमा रहेको बताएका छन्।

राष्ट्रपति जोसेफ आर बाइडेन जुनियरले बेलारुसका प्रजातान्त्रिक विपक्षी नेतासँग एयर फोर्स वनमा कुरा गरे। उनले आज राति वार्सामा आफ्नो सम्बोधनमा उपस्थित भएकोमा उनलाई धन्यवादसमेत दिए।

राष्ट्रपतिले बेलारूसी जनताको पक्षमा संयुक्त राज्य अमेरिकाको निरन्तर समर्थनलाई जोड दिएका छन्। अभिव्यक्ति स्वतन्त्रता, स्वतन्त्र र निष्पक्ष निर्वाचनलगायत मानवअधिकारको रक्षा र प्रवर्द्धनमा अमेरिकाले निरन्तर सहयोग गर्ने ह्वाइट हाउसको प्रेस विज्ञप्तिमा उल्लेख छ।