गृह जिल्ला पुगेर सञ्चारमन्त्रीले भने– अब भाषण मात्र गर्दिनँ, व्यवहारमै उतार्छु

सुनसरी, चैत १२ : सरकारका प्रवक्ता एवं सञ्चार तथा सूचना प्रविधिमन्त्री ज्ञानेन्द्रबहादुर कार्की सुनसरी सरमुकाम इनरुवा पुगेका छन्। जिल्ला भ्रमणका लागि आएका आएका मन्त्री कार्कीले अब भाषण मात्रै नगर्ने, त्यसलाई व्यहारमै उतार्ने बताए ।

इनरुवास्थित सुनसरी जिल्ला अस्पतालको अनुगन गर्दै उनले अस्प्ताल सुधारका लागि आफूले सहयोग र पहलसमेत गर्ने पनि बताए । सबैभन्दा पुरानो अस्पतालका रुपमा जिल्ला अस्पताल भए पनि विकासका कारणपछि परेकाले अब यसलाई परिणाममुखी बनाउन आफूले सक्दो सहयोग उनले बताए ।

कोरोना महामारीका बेलामा अस्पतालमा भएका जनशक्तिले महामारी नियन्त्रण गर्न र कोरोनाबाट सङ्क्रमित भएका बिरामीको उपचार गर्न महत्वपूर्ण भूमिका निर्वाह गरेकामा उनले आभार व्यक्त गरे। उनले अस्पतालको विस्तार र यसलाई गुणस्तरीय बनाएर यो क्षेत्रको एउटा अग्रणी अस्पतालको रुपमा स्थापित गर्नका लागि सबै अग्रसर हुनुपर्नेमा जोड दिए।