क्यान्सरपीडित शिक्षकलाई सहयोग

गलकाेटठ, चैत ५ : नेपाल राष्ट्रिय शिक्षक सङ्गठन बडिगाडले वनस्पति मावि जलजलाका शिक्षक दिल थापालाई सहयोग रकम हस्तान्तरण गरेको छ। क्यान्सर रोगबाट पीडित भई भरतपुर चितवनमा उपचाररत थापालाई विभिन्न सहयोगीबाट सङ्कलन गरेको दुई लाख रूपैयाँ रकम हस्तान्तरण गरेको हो।

हाल केही समयका लागि बडिगाड गाउँपालिका–६ घ्वाङस्थित घरमै रहेका थापालाई सङ्गठनले सहयोग रकम हस्तान्तरण गरेको नेपाल राष्ट्रिय शिक्षक सङ्गठन बागलुङका सचिव कृष्ण भट्टराईले जानकारी दिए। पीडित शिक्षक थापाले आफ्नो उपचारका लागि ५० लाख बढी खर्च हुने जानकारी दिए। पीडित शिक्षक थापाको विगत आठ महिनादेखि बिपी कोइराला क्यान्सर अस्पताल भरतपुर चितवनमा उपचार हुँदै आएको छ।