गुड्दै गरेको स्काेरपियोमाथि खस्यो पहिरो

लमजुङ, असोज १२ : पर्यटक बोकेर गुड्दै गरेको स्काेरपियोमाथि पहिरो खसेको छ।

जिल्ला प्रहरी कार्यालयका अनुसार, लमजुङ–मनाङ सडकखण्डअन्तर्गत  लमजुङको मर्स्याङदी गाउँपालिका–४ स्याँगेमा शनिबार साँझ पहिरो खसेको हो। मनाङ गइरहेको बा १६ च ५०६८ नम्बरको स्काेरपियोमाथि पहिरो खस्दा पुरिएको छ।

पहिरोले अघिल्लो भाग मात्रै पुरिएकाले यात्रु सकुशल रहेको प्रहरीले जनाएको छ। स्काेरपियोमा रहेका यात्रु झ्यालबाट निस्केका छन्।

पहिरोले बेसिशहर–चामे सडक अवरुद्ध भएको छ। आज बिहानैदेखि पहिरो टहाउन प्रहरी टोली खटिएको छ। सडकमा ठूलठूला ढुङ्गा खसेका छन्। जसले गर्दा पहिरो हटाउन समय लाग्ने जिल्ला प्रहरी कार्यालयले जनाएको छ।

पहिरोले सडक अवरुद्ध भएपछि यात्रु मर्कामा परेका छन्। सवारी साधान बाटोमै रोकिएका छन्।