जनकपुरमा गोली हानेर प्रहरी पक्राउ गर्‍यो चार डाका

जनकपुर, असोज ९ : जनपकुरमा डाकाको समूहलाई प्रहरीले गोली हानेर पक्राउ गरेको छ।

जिल्ला प्रहरी कार्यालय धनुषाका अनुसार गोली प्रहार गरी चार डाकालाई पक्राउ गरिएको हो। जनकपुरधााम उपमहानगरपालिका कार्यालयसँगै रहेको जानकी फर्निसिङमा डकैती गर्न खोज्दा गस्तीमा रहेका प्रहरीले उनीहरुलाई देखेरपछि रोक्न खोजेको थियो।

उनीहरुले प्रहरीमाथि पेस्तोल तेर्साएपछि गोली प्रहार गरिएको जनाएको छ। उनीहरुलाई तीन राउन्ड गोली प्रहार गरिएको जनाएको छ।

जिल्ला प्रहरी कार्यालयका प्रहरी नायब उपरीक्षक रामेश्वर कार्कीले जनकपुरधाम उपमहानगरपालिका–२ स्थित भानुचोक र शिवचोकबीचमा रहेको जानकी फर्निसिङमा लुटपाट गर्ने गिरोहका चार जनालाई पक्राउ गरिएको हो।

चार जनामध्ये रौतहटका विनोदप्रसाद सिंहलाई गोली लागेको छ। उनको जनकपुर अस्पतालमा उपचार भइरहेको छ। उनीसँगै पक्राउ पर्नेमा दुईजना भारतीय र एक रौतहटका छन्। घटनाबारे अनुसन्धान भइरहेको प्रहरीले जनाएको छ।