नेकपा एमालेका सांसद मोहन बानियाँ नेपालगञ्जबाट पक्राउ

काठमाडौं, फागुन १६ : नेकपा (एमाले) का सांसद मोहन बानियाँ पक्राउ परेका छन् ।

बलात्कारको आरोप लागेका बानियाँलाई नेपालगञ्जस्थित एयरपोर्टबाट पक्राउ गरिएको जिल्ला प्रहरी कार्यालय  बाँकेले जनाएको छ ।

जबर्जस्ती करणी अभियोगमा सांसद बानियाँविरुद्ध पक्राउ पूर्जी जारी भएको थियो ।

माघ १९ गते नेपालगन्जस्थित अप्सरा होटलमा सांसद बानियाँले ४० वर्षीया महिलालाई जबर्जस्ती करणी गरेको उजुरी प्रहरीमा परेको थियो ।

पीडित महिलाले सांसद बानियाँविरुद्ध माघ २७ गते जिल्ला प्रहरी कार्यालयमा उजुरी दिएकी थिइन् ।