देशभरि थप ३१८ जनामा कोरोना पुष्टि, १ काे मृत्यु

काठमाडौं, फागुन १२ : नेपालमा थप ३ सय १८ जनामा कोरोना पुष्टि भएको छ।

देशभर गरिएको ५ हजार ५ सय ८ पिसिआर परीक्षणका क्रममा १ सय ५१ जना र २ हजार २ सय ३५ एन्टिजेन परिक्षणका क्रममा १६७ जनामा कोरोना पुष्टि भएको स्वास्थ्य मन्त्रालयले जनाएको छ।

यस्तै कोरोनाका कारण थप १ जनाको मृत्यु भएको छ। हालसम्म नेपालमा कोरोनाका कारण ११ हजार ९ सय ३१ जनाको मृत्यु भएको छ।

त्यस्तै थप ५ सय ६२ संक्रमित निको हुँदा हालसम्म नेपालमा ९ लाख ५४ हजार ९ सय ३ जना निको भएका छन्।

हाल नेपालमा ९ हजार ६ सय ७८ सक्रिय संक्रमित रहेको मन्त्रालयले जनाएको छ।