बुधबार युक्रेनमा आक्रमण हुनसक्ने राष्ट्रपतिको संकेत, तयार रहन आग्रह 

काठमाडाैं, फागुन ३ : युक्रेनी राष्ट्रपति भोलोडिमिर जेलेन्स्कीले सोमबार आफ्नो फेसबुक पोस्टमा फेब्रुअरी १६ मा रूसी आक्रमण हुन सक्ने घोषणा गरेका छन्। 

युक्रेन र रुसबीच बढ्दो तनावबीच राष्ट्रपति जेलेन्स्कीले सो घोषणा गरेका हुन्। जेलेन्स्कीले राष्ट्रका नाममा सम्बोधन गरेको विषय फेसबुकमा पोस्ट गर्दै, ‘ फेब्रुअरी १६ मा आक्रमणको तयारी भइरहेको भनिएको छ।’

उनले युक्रेनले बुधबार एकता दिवस मनाउने बताएका छन्। यस सम्बन्धी अध्यादेशमा हस्ताक्षर भइसकेको बताइएको छ ।

रुसले युक्रेनी सीमानजिकै एक लाखभन्दा बढी सेना परिचालन गरेको छ । सेनाको उपस्थितिले अमेरिका र नाटो सहयोगीहरू बीच चिन्ता  र तिक्तता बढाएको छ। तर रुसले निरन्तररूपमा आक्रमणको कुनै योजना नभएको बताउँदै आएको छ ।

युक्रेन, रुस र नाटो राष्ट्रहरूका अधिकारीहरूले यस क्षेत्रमा तनाव कम गर्ने आशाका साथ पछिल्ला दिनहरूमा कूटनीतिक छलफललाई तिव्रता दिंदै आएका छन्। तर वार्ताले कुनै सफलता भने हाँसिल गर्न सकेको छैन।

यसअघि अमेरिकी राष्ट्रपति जो बाइडेनले शनिबार रुसी राष्ट्रपति भ्लादिमिर पुटिनसँग कुरा गर्दै रुसले युक्रेनमा आक्रमण गरेमा छिटो र गम्भीर लागत लाग्ने बताएका थिए।

बाइडेन प्रशासनका अधिकारीहरूले युक्रेनमाथि ूअब कुनै पनि दिनू आक्रमण हुन सक्ने चेतावनी दिएका छन्।