झापाको मगमग चाउचाउ उद्योगमा आगलागी

दमक, माघ २९ : झापाको मेचीनगर–१४ दुहागढीस्थित मगमग चाउचाउ उद्योगमा आज बिहान आगलागी भएको छ।

जिल्ला प्रहरी कार्यालय, झापाका अनुसार मनसा फुडद्वारा उत्पादित मगमग चाउचाउ उद्योगमा आगलागी भएको हो। आज बिहान ५ बजेदेखि आगलागी सुरु भएको प्रहरीले जनाएको छ।

अहिले पनि आगो नियन्त्रणमा आएको छैन। भद्रपुर, बिर्तामोडलगायत स्थानीय तहबाट दमकल लगेर आगो निभाउने प्रयास भइरहेको जिल्ला प्रहरी कार्यालयका प्रवक्ता वसन्त पाठकले बताए।