सभामुखले बुधबार बिहानका लागि डाके कार्यव्यवस्था परामर्श समितिको बैठक

काठमाडौं, माघ २५ : सभामुख अग्निप्रसाद सापकोटाले भोलि (बुधबार) दिउँसो साढे ११ बजेका लागि कार्यव्यवस्था परामर्श समितिको बैठक बोलाएका छन्।

बुधबार अपराह्न १ बजे प्रतिनिधिसभाको बैठक पनि बस्दैछ। संसदमा छलफल गर्ने विषय तय गर्न कार्यव्यवस्था परामर्श समितिको बैठक बोलाइएको सभामुखको सचिवालयले जनाएको छ। संसदमा प्रतिनिधित्व गर्ने सबै दलका प्रतिनिधि र सभामुख कार्यव्यवस्था समितिमा रहने गर्दछन्। 

कोरोना कहर र अन्य विविध कारणले दसौं अधिवेशनको बैठक लामो समयदेखि बस्न सकेको छैन। यो अधिवेशनमा अहिलेसम्म सम्पन्न भएका बैठकमा एमालेले अवरोध गर्दै आइरहेको छ।