११५८२ नमूनाको परीक्षण गर्दा ३६३७ जनामा संक्रमण पुष्टि

काठमाडौं, माघ १९ : पछिल्लो चौबिस घण्टाको अवधिमा देशभर ३ हजार ६३७ जनामा कोरोना संक्रमण पुष्टि भएको छ। 

स्वास्थ्य तथा जनसंख्या मन्त्रालयका अनुसार ११ हजार ५८२ नमूनाको परीक्षण गर्दा सो संख्यामा संक्रमित थपिएका हुन्।

पछिल्लो चौबिस घण्टामा  ६ हजार ४९९ जनाको पीसीआर परीक्षण गर्दा २ हजार २०५ जना र ५ हजार ८३ जनाको एन्टीजेन परीक्षण गर्दा १ हजार ४३२ जना गरी कुल ३ हजार ६३७ जनामा कोरोना संक्रमण पुष्टि भएको हो।

आज एकैदिन १२ जना कोरोना संक्रमितको मृत्यु भएको छ। त्यस्तै ७ हजार ५५५ जना संक्रमणमुक्त भएका छन् । 

हाल देशभर सक्रिय संक्रमितको संख्या ६९ हजार २९१ पुगेको छ।