बालुवाटारमा प्रधानमन्त्री देउवासँग प्रचण्ड र माधव नेपालको भेटवार्ता
काठमाडौं, माघ १७ : सत्तारुढ गठबन्धन दलका तीन शीर्ष नेताहरुबीच भेटवार्ता भएको छ। सोमबार बिहान प्रधानमन्त्री शेरबहादुर देउवासँग माओवादी केन्द्रका अध्यक्ष पुष्पकमल दाहाल प्रचण्ड र...
काठमाडौं, माघ १७ : सत्तारुढ गठबन्धन दलका तीन शीर्ष नेताहरुबीच भेटवार्ता भएको छ।
सोमबार बिहान प्रधानमन्त्री शेरबहादुर देउवासँग माओवादी केन्द्रका अध्यक्ष पुष्पकमल दाहाल प्रचण्ड र एकिकृत समाजवादीका अध्यक्ष माधवकुमार नेपालले भेटवार्ता गरेका हुन्।
बिहान साढे १० बजे प्रचण्ड र माधव नेपाल देउवालाई भेट्न बालुवाटार पुगेका थिए। गठबन्धन दलका तीन शीर्ष नेताहरुबीच करिब २ घण्टा छलफल भएको हो।
भेटमा आसन्न स्थानीय तहको निर्वाचन, एमसीसी र समसामयिक राजनीतिक विषयबारे छलफल भएको बालुवाटार स्रोतले जानकारी दिएको छ।
प्रधानमन्त्री शेरबहादुर देउवाले एमसीसी पारित गराउन पहल थालेपछि गठबन्धन दलका नेताहरुले यसबारेमा प्रधानमन्त्रीसँग छलफल गरेका हुन्।
माओवादी केन्द्रका अध्यक्ष प्रचण्ड र नेकपा एकीकृत समाजवादीका अध्यक्ष माधव कुमार नेपाल परिमार्जनसहित पारित गर्नुपर्ने पक्षमा छन्।
