भारतबाट फर्केका चारजनामा ओमिक्रोन संक्रमण पुष्टि 

काठमाडौं, माघ ११ : भारतबाट फर्किएका ४ जनामा ओमिक्रोन संक्रमण पुष्टि भएको छ । 

कञ्चनपुरको त्रिनगर हेल्थडेस्कमा संकलन गरिएका  १४६ नमूना मध्ये ४ वटामा ओमिक्रोन पुष्टि भएको प्रदेश जनस्वास्थ्य प्रयोगशाला, धनगढीले जनाएको छ । 

सुदूरपश्चिम प्रदेशमा पहिलोपटक ओमिक्रोन संक्रमण पहिलो पटक पुष्टि भएको हो । 

उक्त प्रयोगशालाका अनुसार कोरोना पुष्टि भएका एक सय ४६ जनाको भेरियन्ट पहिचान गर्न उनीहरुको नमूना पुस २५ गते काठमाडौं पठाइएकोमा चार जनामा संक्रमण पुष्टि भएको हो ।

 कञ्चनपुरका दुईजना, बझाङ र डोटिका एक÷एक जनामा ओमिक्रोन पुष्टि भएको जनस्वास्थ्य प्रयोगशालाले जनाएको छ ।