सत्तारुढ  गठबन्धनले कानून व्यवसायीसँग छलफल गर्दै

काठमाडौं, माघ ९ :  सत्तारुढ गठबन्धन दलका नेताहरुले आज कानून व्यवसायीसँग छलफल गर्ने भएका छन्। 

प्रधानमन्त्री निवास बालुवाटारमा अपराह्न ४ बजे कानून व्यवसायीहरुसँग छलफल गर्ने भएका हुन्। 

आगामी स्थानीय तहको निर्वाचनका विषयमा कानून व्यवसायीहरुसँग  राय लिनका लागि छलफल गर्न लागिएको हो।  

निर्वाचन आयोगले आगामी वैशाख १४ र २२ मा स्थानीय तहको चुनाव गर्न सरकारलाई सुझाव दिएको छ । तर आगामी मंसिरमा संघ, प्रदेश र स्थानीय तहको चुनाव एकैपटक गराउने बहस गठबन्धनमा भइरहेको छ ।