लिबियाका पूर्वउपप्रधानमन्त्रीलाई भ्रष्टाचारको आरोप

त्रिपाेली, पुस २१ : लिबियाको पूर्वउपप्रधानमन्त्री तथा पूर्वगृहमन्त्रीलाई भ्रष्टाचार गरेको आरोप लगाइएको छ।

लिबियाका महान्यायाधिवक्ताको कार्यालयले पूर्वउपप्रधानमन्त्री तथा गृहमन्त्री अल साद्धिक अब्दुल्करी करिमलाई भ्रष्टाचार गरेको आरोप लागाइएको हो। उनीहरुले आर्थिक अनियमितता गरेको र उनीमाथि अनुसन्धान भइरहेको पनि अधिकारीहरुले जनाएका छन्।  

राष्ट्रपतिका उम्मेदवारसमेत रहेका करिमले आफू पदमा रहँदा न्यून गुणस्तरको सामग्रीलाई उच्च मूल्य तिर्नेगरी हस्ताक्षर गरेको पाइएको दाबी गरिएको छ।

उनले कानुनको उल्लंघन र गलत प्रयोग गरेकाले उनीमाथि अनुसन्धान गरी कारबाही गर्न महान्यायाधिवक्ताको कार्यालयले माग गरेको छ। उनले राज्यलाई ५ करोड अमेरिकी डलर नोक्सान गराएको महान्यायाधिवक्ताको कार्यालयले दाबी गरेको छ।