प्रदेश नं १ मा २७ जनामा कोरोना सङ्क्रमण

विराटनगर, पुस १९ :  प्रदेश १ मा पछिल्लो २४ घण्टामा २७ जनामा कोेरोना सङ्क्रमण भएको छ। सामाजिक विकास मन्त्रालयका अनुसार ४२३ जनाको पिसिआर परीक्षण गर्दा २५ र १०२ जनाको एन्टिजेन परीक्षण गर्दा दुईजनामा सङ्क्रमण देखिएको छ। पिसिआर परीक्षणका आधारमा मोरङमा १३, सुनसरीमा चार, झापामा तीन, उदयपुरमा एक र प्रदेशबाहिरका चारजनामा सङ्क्रमण देखिएको हो।

मोरङको विराटनगरमा १०, उर्लाबारी, बेलबारी र धनपालथानमा एक÷एक, सुनसरीको इटहरीमा दुई, धरान र रामधुनीमा एक/एक, झापाको भद्रपुर, मेचीनगर र कमल गाउँपालिकामा एक÷एक, उदयपुरको त्रियुगामा एक र प्रदेशबाहिरका चारजनामा सङ्क्रमण देखिएको हो। प्रदेशमा आज पाँच महिलासहित ११ जना कोरोना सङ्क्रमणमुक्त भएका छन् भने सक्रिय सङ्क्रमितको सङ्ख्या १३५ रहेको मन्त्रालयले जनाएको छ।