प्रचण्डद्वारा केन्द्रीय सदस्यहरूको नामावली प्रस्ताव, पहिलो नम्बरमा राखे आफ्नै भाइ

काठमाडौं, पुस १८ : नेकपा माओवादी केन्द्रको आठौँ महाधिवेशनको बन्द सत्रमा अध्यक्ष पुष्पकमल दाहाल प्रचण्डले पार्टीको केन्द्रीय समिति सदस्यहरूको नामावली प्रस्ताव गरेका छन् ।

प्रज्ञा भवनमा चलिरहेको बन्द सत्रमा आज आइतवार सम्बोधन गर्दै अध्यक्ष प्रचण्डले केन्द्रीय सदस्यहरूको प्रस्तावित नाम वाचन गरेका हुन् । उनले २३६ जना केन्द्रीय सदस्यको नाम वाचन गरेका हुन्।

बाँकी ६३ जना पछि मनोनीत गर्ने बताइएको छ। पहिलो नम्बरमा नारायण दाहालको नाम छ । उनी प्रचण्डका भाइ हुन् । यस्तै  सूर्य सुवेदी, धिरेन्द्र शर्मा, नरबहादुर विष्ट, बसन्त शर्मा, केशव नेपाल, निर्मल आचार्य, जोखबहादुर महरा, देवराज रेग्मी, तारामान स्वाँर, देवराज रेग्मी, हरिराज अधिकारी, देवेन्द्र पराजुली र अच्युतम काफ्ले छन् ।

ती नाममा सहमति नभएमा चुनावी प्रक्रियामा जाने माओवादी केन्द्रले जनाएको छ ।