अमेरिकी र रुसी राष्ट्रपतिबीच वार्ता : आणविक युद्ध गर्न नहुने निष्कर्ष
मस्को, पुस १६ : अमेरिकी राष्ट्रपति जो बाइडेनले आफ्ना रूसी समकक्षीलाई फोनवार्तामा आणविक युद्ध सुरु गर्न नहुने र यसबाट राम्रो परिणाम निक्लन नसकिने बताएको क्रेमलिनका सहयोगी युरी उसाकोभले बताएका छन्।
‘यो धेरै महत्त्वपूर्ण छ कि राष्ट्रपति बाइडेनले वार्तालापका क्रममा बारम्बार आणविक युद्ध सुरु गर्नुहुँदैन र जित्न सकिँदैन’ भनेको स्पुतनिकले उसाकोभलाई उद्धृत गर्दै जनाएको छ।
उक्त वार्ता बिहीबार अपराह्न ४:२५ बजे भएको थियो। सो अवसरमा राष्ट्रपतिहरूले सबै मुख्य विषयमा छलफल भएकोमा जोड दिँदै उसाकोभले वार्ता निकै अर्थपूर्ण भएको र जुन अत्यन्तै महत्त्वपूर्ण पनि रहेको भन्दै नयाँ वर्षपछि पनि वार्तालाई निरन्तरता दिने सहमति भएको बताएका छन्।
‘सैद्धान्तिक रूपमा, हामी वार्ताबाट सन्तुष्ट छौं किनभने तिनीहरू स्पष्ट, ठोस र विशिष्ट थिए। म यो पनि भन्न सक्छु कि यी वार्ताहरूको भावना रचनात्मक थियो,’ उसाकोभले भने।
क्रेमलिन सहयोगीले जनाएअनुसार वार्ताको क्रममा जो बाइडेनले वासिङ्टनले युक्रेनमा आपत्तिजनक स्ट्राइक हतियारहरू तैनाथ गर्ने छैन भन्ने कुरा राखेका थिए।
