प्रचण्डको प्रतिवेदनमाथि छलफल गर्न २५ समूह, कसको छलफल कहाँ ?

प्रचण्डले पेश गरेको प्रतिवेदनमाथि छलफल गर्ने क्रम सुरु भएको छ। छलफलका लागि महाधिवेशन प्रतिनिधिहरुलाई २५ समूहमा विभाजन गरिएको छ।

काठमाडौं प्रेससोमबार, पुस १२, २०७८

काठमाडौं, पुस १२ : नेकपा माओवादी केन्द्रको आठौं राष्ट्रिय महाधिवेशन अन्तर्गत आज बन्द सत्र चलिरहेको छ। बिहान १२ बजेपछि सुरु भएको बन्दसत्रमा अध्यक्ष पुष्पकमल दाहाल प्रचण्डले राजनीतिक प्रतिवेदन पेश गरेका थिए।

जसअनुसार जेष्ठ कम्युनिस्ट मञ्च र सल्लाहकारको गरी ३ समूह विभाजन गरिएको छ । जसको नेतृत्व नन्दकुमार थापाले गरेका छन् ।यसैगरी प्रदेश नम्बर १ को दुई समूह विभाजन गरिएको छ । जसको नेतृत्व हर्क गुरुङले गरेका छन् । यस्तै प्रदेश नम्बर २ को गणेश साह टोली नेता छन् भने सो प्रदेशको पनि दुई समूह विभाजन गरिएको छ ।

यस्तै लुम्बिनी प्रदेशको समूह नेता चक्रपाणि खनाल छानिएका छन् भने गण्डकी प्रदेशको नेतृत्व गायत्री गुरुङले गरेकी छन् ।

यस्तै प्रवास समितिमा लक्ष्मण पन्त, कर्णालीमा विमला केसी समूह नेता बनेकी छन् । पन्त, केसी र गुरुङ नेतृत्वको टोलीलाई पनि दुई–दुई समूहमा विभाजन गरिएको छ ।

यसैगरी सुदूरपश्चिम प्रदेशको समूहको नेतृत्व खगराज भट्टले पाएका छन् भने विभागको माया प्रसाद शर्मा टोली नेता बनेका छन् । यस्तै सम्पर्क समन्वय प्रदेशको कृष्ण अधिकारी, बागमती प्रदेशको सरल सहयात्री, जबस मोर्चामा अमृता थापालगायत टोली नेता तोकिएका छन्।

कुन समूहको बैठक कहाँ ?

१) जेष्ठ कम्युनिस्ट मञ्च (प्रज्ञा भवन )

२)सल्लाहकार परिषद (प्रज्ञा भवन)

३)सल्लाहकार परिषद ( प्रज्ञा भवन)

४)प्रदेश १ क.( भानुभक्त हल प्रज्ञा)

५)प्रदेश १ ख.(भानुभक्त हल प्रज्ञा)

६)प्रदेश २ क.( पारिजात हल प्रज्ञा )

७)प्रदेश २ ख.(पारिजात हल प्रज्ञा)

८)लुम्बिनी क.(पुस्तकालय हल प्रज्ञा)

९)लुम्बिनी ख.(पुस्तकालय हल प्रज्ञा)

१०)गण्डकी क.(पेरिसडांडा )

११)गण्डकी ख.(पेरिसडांडा)