एमालेद्वारा बागमती प्रदेश सभा बैठक पनि अवरोध  

काठमाडौं, पुस ७ : नेकपा एमालेको विरोधका कारण बागमती प्रदेश सभाको बैठक बिहीबारसम्मका लागि स्थगित भएको छ ।

बुधबार बोलाएको बैठकमा एमाले सांसदहरुले भागबण्डा मिलाउन ८ बाट १४ वटा मन्त्रालय बनाएर प्रदेशकै बदनाम गरेको भन्दै सरकारको विरोध गरेका थिए ।

बैठकमा बोल्दै पूर्व मुख्यमन्त्री समेत रहेका डोरमणि पौडेलले पार्टीका तर्फबाट धारणा राख्दै वर्तमान सरकारले अनावश्यक रुपमा मन्त्रालय फुटाएर आठबाट १४ पुर्याएकोमा आपत्ति जनाए ।

एमालेले लामो समयदेखि संघीय संसदको बैठक अवरुद्ध पार्दै आएकामा प्रदेश सभा बैठकमा पनि अवरोध थालेको हो ।