खुला महिलातर्फ केन्द्रीय सदस्यको मत गणना गरिँदै

काठमाडौं, पुस ५ : नेपाली कांग्रेसको खुला महिलातर्फको केन्द्रीय सदस्यको मत गणना गर्न लागिएको छ।

आज बिहान ९ बजेदेखि खुला महिलातर्फको केन्द्रीय सदस्यको मतगणना जारी राखिने कांग्रेस केन्द्रीय निर्वाचन समितिले जनाएको छ। आइतबार साँझदेखि मतगणना थलिएको थियो।

रातिसम्म ४ सय मत गणना गरिएको छ। बाँकी आज बिहानदेखि गणना गरिने निर्वाचन समितिले जनाएको छ।

कांग्रेसमा खुला महिलातर्फ ९ जना निर्वाचित हुने व्यवस्था छ। त्यसका लागि ३० जना प्रतिस्पर्धामा छन्।

यसअघि कांग्रेसले खुला केन्द्रीस सदस्यको मत गणना गरेको थियो। जसमा डा. शशांक कोइरालाले सबैभन्दा बढी मत पाएका थिए।